اڈیالہ جیل کے باہر میڈیا سے گفتگو کرتے ہوئے بیرسٹر گوہر نے کہا کہ اللہ کے کرم سے معرکۂ حق میں کامیابی ملی، اگر کوئی دشمن دوبارہ جارحیت کی کوشش کرے گا تو اسے پہلے سے بھی سخت جواب دیا جائے گا۔

انہوں نے کہا کہ پاکستان کا دفاع مضبوط ہے، کوئی دشمن ملک کو شکست نہیں دے سکت، فوج کی قربانیوں اور شہداء کے حوالے سے کسی کو لب کشائی نہیں کرنی چاہئے۔

بیرسٹر گوہر نے کہا کہ دہشت گردی ملک کے لیے ناسور ہے، اس کا خاتمہ ہوگا تو ترقی اور استحکام آئے گا، ان کا کہنا تھا کہ سیاسی مسائل کا دیرپا سیاسی حل نکالنا چاہیے تاکہ ملک موجودہ حالات سے باہر آ سکے۔