لاہور میں 43ویں سالانہ عالمی میلاد النبی ﷺ کانفرنس سے خطاب کرتے ہوئے گورنر پنجاب نے کہا کہ مینارِ پاکستان پر عالمی میلاد کانفرنس کا شاندار انعقاد منہاج القرآن کا اعزاز ہے۔

انہوں نے کہا کہ ڈاکٹر طاہرالقادری نے علم و حکمت کے میدان میں کمال مقام حاصل کیا، منہاج القرآن کے وابستگان نظم و ضبط کے حوالے سے نمایاں ہیں، ڈاکٹر طاہرالقادری نے انتہا پسندی، دہشتگردی اور نفرت کے خاتمے میں مثبت کردار ادا کیا۔

سردار سلیم حیدر خان کا مزید کہنا تھا کہ اللہ تعالیٰ ڈاکٹر طاہرالقادری کو صحت و عافیت عطا فرمائے، دین، ملتِ اسلامیہ اور پاکستان کیلئے ڈاکٹر طاہرالقادری کی رہنمائی سے استفادہ کرتے ہیں۔