ترجمان دفتر خارجہ کا کہنا ہے تاریخی اسلامی عبادت گاہ کے خلاف قابل مذمت اقدام اسلامی ورثے کو مٹانے کی وسیع تر اسلاموفوبک اور ہندوتوا پر مبنی مہم کا ایک اور مظہر ہے۔

دفتر خارجہ کے ترجمان نے کہا کہ تاریخی بابری مسجد کی مسماری آج بھی مذہبی عدم برداشت، تعصب اور نفرت پر مبنی اس نظریے کی واضح علامت ہے۔

انہوں نے کہا کہ بھارتی حکام کو تمام اقلیتوں، بالخصوص مسلمانوں کی بنیادی مذہبی آزادیوں اور ثقافتی ورثے کے خلاف ایسے اقدامات کا جواب دہ ٹھہرایا جانا چاہئے۔