وفاقی وزیر مذہبی امور سردار محمد یوسف نے اسلام آباد میں نئے صوبوں پر قومی مباحثے سے خطاب کرتے ہوئے کہا کہ ہزارہ صوبے کیلئے قرارداد منظور ہو چکی، ہزارہ صوبہ تحریک کو تمام جماعتوں کی حمایت حاصل ہے۔

سردار محمد یوسف نے کہا کہ جب پاکستان بنا تو ساڑھے 3 کروڑ آبادی تھی، قیام پاکستان سے لے کر آج تک صرف 4 صوبے ہیں، آج جو مسائل ہیں وہ 60 سال پہلے نہیں تھے۔

وفاقی وزیر کا مزید کہنا ہے کہ آبادی کے ساتھ مسائل بڑھے، جب خاندان کے افراد بڑھ جائیں تو نئے مکان بنانے پڑتے ہیں۔