شہریوں اور فیملیز کے لیے تفریحی سرگرمیوں، صحت و غذائیت سے متعلق آگاہی اور مختلف برانڈز کی مصنوعات پر خصوصی رعایتوں کا اہتمام کیا گیا ہے، فوڈ گالا کے دوسرے روز معروف پاکستانی گلوکارہ آئمہ بیگ اپنے فن کا مظاہرہ کیا۔

ڈائریکٹر جنرل پنجاب فوڈ اتھارٹی منصور احمد نے شہریوں کو فوڈ گالا میں شرکت کی دعوت دیتے ہوئے کہا ہے کہ اس ایونٹ کا مقصد تفریح کے ساتھ ساتھ عوام میں صحت مند خوراک اور متوازن غذا کے حوالے سے شعور اجاگر کرنا بھی ہے۔

منصور احمد کا کہنا تھا کہ شہری روزمرہ خوراک کے انتخاب، غذائی ضروریات اور صحت مند طرزِ زندگی سے متعلق رہنمائی کے لیے پنجاب فوڈ اتھارٹی کے نیوٹریشن کیمپ کا وزٹ کریں اور اپنے بنیادی طبی ٹیسٹ کروائیں۔

انہوں نے کہا کہ نیوٹریشن کیمپ میں شہریوں کو مفت بنیادی ٹیسٹ اور ان کی ضروریات کے مطابق ڈائٹ پلان کی سہولیات فراہم کی جا رہی ہیں، تاکہ وہ اپنی صحت کے حوالے سے بہتر فیصلے کر سکیں۔

ڈی جی فوڈ نے بتایا کہ فوڈ گالا میں فیملیز کے لیے داخلہ بالکل مفت رکھا گیا ہے، شہری اس موقع سے فائدہ اٹھاتے ہوئے مختلف سرگرمیوں میں حصہ لے سکتے ہیں۔