چھوٹی سی بات پر معاملہ بگڑ گیا، اب سب کچھ ٹھیک ہے اور میں بھی فیملی مین بن گیا ہوں :برطانوی باکسر
لندن (دنیا نیوز ) ماضی کو بھلا دیا، جو کچھ کہا غصے میں کہا، فریال مخدوم نے عامر خان سے ناراضی ختم کر دی، لڑتے جھگڑتے گزرے سال کے بعد جوڑا پہلی بار میڈیا کے سامنے آ گیا۔ برطانیہ کے ٹی وی شو میں شرکت کی۔ لڑائی جھگڑا اور نوبت طلاق تک جا پہنچی۔ پاکستانی نژاد برطانوی باکسر عامر خان انکی ماڈل اہلیہ فریال مخدوم کی غلط فہمیوں کی کہانی یہیں سے شروع ہوئی تھی۔
گزشتہ برس میڈیا میں جھگڑتا جوڑا برطانیہ کے ٹی وی شو گڈ مارننگ بریٹن میں ایک قابل رشک جوڑے کی طرح سامنے آ گیا۔ فریال کا کہنا تھا جو کچھ کہا غصے میں کہا، یہ نیا سال ہے،،ماضی پیچھے رہ گیا۔ عامر کا کہنا تھا چھوٹی سی بات سے بات بڑھ گئی، بے وفائی کے سوال پر انہوں نے کہا بہت سی باتیں غلط ہیں۔ عامر نے کہا میڈیا میں بات آئی تو بگڑتی گئی، لیکن اب سب ٹھیک ہے، وہ ایک فیملی مین بن گئے ہیں اور فرال ان کا دفاع کرتی رہیں۔
