ماسکو: (دنیا نیوز) فٹبال ورلڈکپ 2018، فرانس کی ٹیم کروشیا کو ہرا کر دوسری بار عالمی چیمپئن بن گئی، فرنچ ٹیم نے فائنل معرکے میں کروشیا کو 2-4 سے شکست دی۔
ماسکو میں جاری فٹبال ورلڈکپ کا فائنل معرکہ فرانس نے جیت لیا، لوزنیکی سٹیڈیم میں کھیلے گئے میچ میں مجموعی طور پر فرانس کا پلڑا بھاری رہا۔ ورلڈ کپ 2018 کے دوران پہلی مرتبہ کروشین ٹیم دباؤ میں نظر آئی۔ فائنل میچ کے پہلے ہاف کی نسبت دوسرے ہاف میں فرانس کا پلڑا بھاری رہا اور فرنچ ٹیم نے 2-4 سے فتح اپنے نام کی۔
.jpg)
Key stats:
— FIFA World Cup (@FIFAWorldCup) July 15, 2018
We ve not had a #WorldCupFinal with three goals in the first half since 1974
It s the first #WorldCupFinal with three goals since 1998
So yeah, goals! #FRACRO // #WorldCupFinal pic.twitter.com/DBfXIJQfSR
پہلے ہاف کے اختتام پر فرانس کو ایک کے مقابلے میں دو گول کی برتری حاصل تھی۔ دوسرے ہاف میں پال پوگبا نے میچ کے 59ویں منٹ میں شاندار گول کر کے فرانس کی برتری 1-3 کر دی۔ اس کے چھ منٹ بعد ہی مپابے نے ایک اور گول کر کے سکور 4-1 کر دیا۔
#CRO GOAL!
— FIFA World Cup (@FIFAWorldCup) July 15, 2018
This football match! @MarioMandzukic9 pounces on the mistake by Lloris, and it is now 4-2 to #FRA in Moscow! #FRACRO // #WorldCupFinal // @HNS_CFF pic.twitter.com/F5r1FceBai
میچ کے 70ویں منٹ میں مینڈزوکچ نے گول کر کے کروشیا کی امیدیں برقرار رکھیں تاہم کروشیا مزید کوئی گول کرنے میں ناکام رہا۔
Only one stat matters...
— FIFA World Cup (@FIFAWorldCup) July 15, 2018
France have won the #WorldCup! #FRA #FRA #FRA pic.twitter.com/jAmXCvQDNe
خیال رہے کہ فرانس نے دوسری مرتبہ عالمی چیمپئن بننے کا اعزاز حاصل کیا ہے۔ اس سے قبل فرانس 1998 میں فٹبال ورلڈ کپ جیتنے میں کامیاب رہا تھا جبکہ کروشیا پہلی بار فٹبال ورلڈکپ کے فائنل میں پہنچا۔ کروشیا نے ورلڈکپ 1998میں سیمی فائنل کھیلا تھا۔
فائنل میچ سے قبل رنگا رنگ اختتامی تقریب منعقد کی گئی، ہالی ووڈ اور فٹبال سٹارز نے تقریب کو چار چاند لگائے۔
