سکھر: (ویب ڈیسک) سندھ حکومت نے 18 اپریل کو سکھر میں خواجہ سراؤں کے لیے کھیلوں کے انعقاد کا فیصلہ کیا ہے۔
صوبائی محکمہ کھیل کے مطابق خواجہ سراؤں کے لیے کرکٹ، رسہ کشی کے مقابلے اور بدین میں سٹریٹ چلڈرن گیمز کرائے جائیں گے۔
اس حوالے سے سیکرٹری کھیل کا کہنا ہے کہ کرکٹ میچ اور رسہ کشی کے مقابلوں میں سکھر اور خیرپور کے 35 خواجہ سراء حصہ لیں گے۔
محکمۂ کھیل سندھ کی جانب سے کھلاڑیوں کو ٹریک سوٹ اور یومیہ الاؤنس فراہم کیا جائے گا، میونسپل سٹیڈیم سکھر میں خواجہ سراء صبا شاہ اور سویرا بلوچ کی ٹیمیں شام 7 بجے مد مقابل ہوں گی۔
