میچ کے دوسرے ہاف کا آغاز خراب موسمی حالات کے باعث تاخیر کا شکار ہوا تاہم فرانس نے میدان میں اپنی برتری برقرار رکھتے ہوئے آسان کامیابی حاصل کی۔

اس فتح کے ساتھ فرانس ان ٹیموں میں شامل ہو گیا ہے جنہوں نے پہلے ہی اگلے مرحلے کے لئے کوالیفائی کر لیا ہے جن میں میکسیکو، امریکا، ارجنٹائن اور جرمنی شامل ہیں۔

فرانسیسی ٹیم پورے میچ میں حاوی رہی اور اس نے ناصرف زیادہ گیند پر کنٹرول رکھا بلکہ عراق کے مقابلے میں زیادہ حملے اور شاٹس بھی لئے۔

کپتان کِلیان ایمباپے نے 14 ویں منٹ میں شاندار گول کر کے فرانس کو برتری دلائی، انہوں نے پنالٹی ایریا کے کنارے سے زوردار شاٹ لگایا جو سیدھا گول کے کونے میں جا کر جال ہلا گیا۔

اس گول کی بنیاد مائیکل اولیسے نے رکھی، جنہوں نے کِلیان ایمباپے کو باکس کے قریب پاس دیا اگرچہ ابتدائی پاس دفاعی کھلاڑیوں سے ٹکرا گیا، تاہم گیند دوبارہ اولیسے کے پاس آئی اور انہوں نے فوری طور پر ایمباپے کو موقع فراہم کیا جسے فرانسیسی کپتان نے خوبصورت انداز میں گول میں تبدیل کر دیا۔

کِلیان ایمباپے نے میچ میں دو گول سکور کر کے اپنی ٹیم کی کامیابی میں کلیدی کردار ادا کیا جبکہ فرانس نے مجموعی طور پر 0-3 سے کامیابی حاصل کرکے اپنی مضبوط امیدوار ہونے کا ثبوت دیا۔