تازہ ترین
  • بریکنگ :- پاکستان سٹیزن پورٹل، عوام کو ریلیف نہ ملنے پر وزیر اعظم کا ایکشن
  • بریکنگ :- وزیراعظم کاایک لاکھ 55ہزار شکایات پرنظر ثانی کا حکم
  • بریکنگ :- غیرمطمئن شہریوں کی شکایات کو دوبارہ کھولا جائے،وزیراعظم کی ہدایت
  • بریکنگ :- وزیراعظم کی ہدایات پر شکایات کو مرحلہ وار کھولا جائے گا،وزیراعظم آفس
  • بریکنگ :- نظرثانی کیلئےشکایات اعلیٰ افسران کو تفویض،وزیراعظم آفس
  • بریکنگ :- متعلقہ شہری سےرابطہ اورمجازافسرکی رائےلازمی قرار،وزیراعظم آفس
  • بریکنگ :- پہلےمرحلےمیں جائیداد کےتنازعات، امن و امان کی شکایات کاجائزہ لیاجائےگا
  • بریکنگ :- انسانی حقوق سے متعلق شکایات کو بھی دوبارہ کھولاجائےگا،وزیراعظم آفس
  • بریکنگ :- وفاقی اداروں کی 68 ہزار، پنجاب کی53ہزار شکایات پر نظر ثانی ہوگی
  • بریکنگ :- خیبرپختونخوا 15ہزار، سندھ کی 13ہزار شکایات شامل،وزیراعظم آفس
  • بریکنگ :- بلوچستان 1800 اوراسلام آباد سے1200 شکایات شامل ہیں،وزیراعظم آفس
  • بریکنگ :- اسلام آباد: عوام کے مسائل کا حل اولین ترجیح ہے،وزیراعظم
  • بریکنگ :- شکایات کے ازالے میں کوئی کوتاہی نہ برتی جائے،وزیراعظم

بل گیٹس امریکا کے سب سے بڑے جاگیردار بن گئے

Published On 07 April,2021 06:35 pm

کیلیفورنیا: (ویب ڈیسک) امریکا کی ٹیکنالوجی کمپنی بل گیٹس کے بانی بل گیٹس نے اپنی دولت سے اتنی زیادہ زمینیں خرید لی ہیں کہ وہ اب امریکا کے سب سے بڑے جاگیردار بن گئے ہیں۔

غیر ملکی خبر رساں ویب سائٹ انڈیپینڈنٹ اردو میں چھپنے والی رپورٹ کے مطابق بل گیٹس اس وقت تقریباً 2 لاکھ 42 ہزار ایکٹر زمین کے مالک ہیں۔ اس زرعی زمین کی مالیت 69 کروڑ ڈالر سے زائد بتائی جاتی ہے۔

خیال رہے کہ بل گیٹس کا شمار اس وقت دنیا کے چوتھے امیر ترین شخص میں ہوتا ہے۔ فوربز میگزین کے مطابق ان کے اثاثوں کی مالیت 129.2 ارب ڈالر ہے۔

سوشل میڈیا پر بل گیٹس کو دھڑا دھڑ زمینیں خریدنے پر سخت تنقید کا نشانہ بنایا جا رہا ہے۔ صارفین کا کہنا ہے کہ مائیکروسافٹ بانی کی جانب سے امریکا میں اتنی زیادہ زمینیں خریدنے کے اقدام پر انھیں سخت تشویش ہے۔

ایک صارف نے طنز کیا کہ بل گیٹس کے اس اقدام سے مجھے فکر لاحق ہو گئی ہے کہ وہ کہیں پورے امریکا کو ہی نہ خرید لیں۔ میں اپنے بچوں کے مستقبل کیلئے فکرمند ہو گیا ہوں۔

خیال رہے کچھ دن قبل ایک انٹرویو میں بل گیٹس نے کہا تھا کہ میرے نزدیک زرعی شعبہ بہت اہمیت کا حامل ہے۔ ہم جنگلات کو تباہ ہونے سے بچانے کیلئے ہم زیادہ زرخیز بیجوں کی مدد لے سکتے ہیں۔

خیال رہے کہ بل گیٹس اور ان کی اہلیہ میلنڈا فلاحی کاموں کیلئے دنیا بھر میں جانے جاتے ہیں۔ وہ اپنی دولت کا کثیر حصہ عطیہ کر دیا ہے۔ ایک اندازے کے مطابق دونوں شخصیات نے اب تک 45.5 ارب ڈالر عطیہ کر چکے ہیں۔