بیجنگ :(ویب ڈیسک ) ٹک ٹاک کی سرپرست کمپنی کی جانب سے آرٹی فیشل انٹیلی جنس (اے آئی) ٹیکنالوجی پر مبنی سمارٹ گلاسز کی تیاری پر کام کیا جا رہا ہے۔
دی انفارمیشن کی رپورٹ کے مطابق ٹک ٹاک کی سرپرست کمپنی ذرائع نے بتایا کہ 2 اے آئی سمارٹ گلاسز تیار کیے جا رہے ہیں، یہ پہلی بار نہیں جب بائیٹ ڈانس کی جانب سے کسی اے آئی ڈیوائس کو تیار کیا جا رہا ہے مگر ایسا پہلی بار ہے جب بڑے پیمانے پر کسی ڈیوائس کو تیار کرنے کی منصوبہ بندی کی گئی ہے۔
رپورٹ میں بتایا گیا بائیٹ ڈانس کی جانب سے اس منصوبے پر کام کرنے کے لیے اس حوالے سے مہارت رکھنے والے ماہرین کی خدمات حاصل کی گئی ہیں، چینی کمپنی کی جانب سے 2 چیزوں پر زیادہ توجہ مرکوز کی جائے گی اور وہ ہے سمارٹ گلاسز سے مناسب معیار کی تصاویر اور ویڈیوز کی ریکارڈنگ کو ممکن بنانا۔
رپورٹ میں مزید کہا گیا کہ بائیٹ ڈانس کی خواہش ہے کہ ویڈیوز یا تصاویر پر توجہ مرکوز کرنے کے ساتھ ساتھ ڈیوائس کی بیٹری لائف بھی اچھی ہونی چاہیے۔
خیال رہے ٹک ٹاک کی سرپرست کمپنی کی جانب سے اے آئی گلاسز کے منصوبے پر کام کا آغاز 2024 میں کیا گیا تھا۔
