کمپنی نے رواں سال کے آغاز میں چیٹ جی پی ٹی کے اندر اشتہارات کی آزمائش شروع کی تھی جسے ابتداء میں محدود صارفین اور مخصوص علاقوں تک رکھا گیا۔

اوپن اے آئی کے مطابق مفت سروسز کو چلانے، انفراسٹرکچر اور مصنوعی ذہانت (اے آئی) کی ٹیکنالوجی میں سرمایہ کاری کے اخراجات پورے کرنے کیلئے اشتہارات ضروری ہو سکتے ہیں۔

فی الحال اشتہارات چیٹ جی پی ٹی کے جواب کے نیچے اور اس سے الگ دکھائی دیتے ہیں۔ تاہم، کمپنی اب ایک نئے بصری فارمیٹ کی آزمائش بھی کر رہی ہے، جس میں چیٹ جی پی ٹی کی جانب سے تصویر تیار کیے جانے کے دوران اشتہار دکھایا جائے گا۔

نئے اشتہاری فارمیٹ کی ابتدائی آزمائش امریکا میں محدود تعداد میں اشتہارات دینے والی کمپنیوں کیساتھ کی جائیگی۔

چیٹ جی پی ٹی کی جانب سے دی گئی معلومات کے مطابق مستقبل میں یہ اشتہارات مزید ممالک اور زیادہ مشتہرین تک پھیلائے جا سکتے ہیں۔

کمپنی کے مطابق اشتہارات صرف تصاویر تیار کرنے تک محدود رہنے کے بجائے مستقبل میں چیٹ جی پی ٹی کے دیگر حصوں میں بھی دکھائے جانے کا امکان ہے۔