ایک تجزیے کے مطابق مصنوعی ذہانت ملازمین کے سوالات کے جوابات دینے، چھٹیوں اور پالیسیوں سے متعلق رہنمائی، دفتری دستاویزات، منظوریوں اور ریکارڈ کی تیاری جیسے کام انجام دے سکے گی۔

اے آئی کی مدد سے مینیجرز کو ملازمین سے متعلق معاملات میں فوری رہنمائی ملے گی، جبکہ معمول کے انتظامی امور میں انسانی مداخلت کی ضرورت کم ہوجائے گی۔

تجزیے میں کہا گیا ہے کہ مستقبل میں ایچ آر کا کردار ملازمین کے معاملات میں فیصلہ سازی، ہمدردی، انسانی رویوں کو سمجھنے اور قیادت تک زیادہ محدود ہوگا۔

ماہرین کے مطابق مصنوعی ذہانت دفتری کارروائیاں سنبھال سکتی ہے، لیکن اہم انسانی معاملات میں درست فیصلے کرنے کے لیے انسانی کردار بدستور ضروری رہے گا۔