نئی دہلی (ویب ڈیسک )پاکستان سمیت پوری دنیا میں پٹرول کی قیمتوں کو لیکر عوام میں شدید اضطراب پایا جاتا ہے اور اسی چیز کو دیکھتے ہوئے بھارتی سرکاری آئل کمپنی انڈین آئل کارپوریشن لمیٹڈ نے صارفین سے اپنے چاہنے والوں کو شادیوں پر پٹرول اور ڈیزل تحفے میں دینے کا آپشن دے دیا ہے۔
بھارتی میڈیا رپورٹس کے مطابق سرکاری آئل کمپنی کی جانب سے سماجی رابطے کی ویب سائٹ ٹوئٹر پر کہا گیا کہ’اپنے پیاروں کی زندگی کے آغاز کو مزید خاص بنائیں۔ شادیوں کا جشن منانے کے لیے پرفیکٹ گفٹ، انڈین آئل کا ای واؤچر آج ہی لیں اور اپنے پیاروں پر محبت نچھاور کریں۔‘
— Indian Oil Corp Ltd (@IndianOilcl) December 1, 2021
بھارتی انڈین آئل کی یہ پیشکش سوشل میڈیا صارفین کو بالکل نہ پسند آئی جس کی وجہ ملک میں پٹرول اور ڈیزل کی بڑھتی ہوئی قیمتیں ہیں او رصارفین کی جانب سے اس پوسٹ پر شدید تنقید بھی کی گئی۔
