ظفروال: (دنیا نیوز) خدا کی قدرت ، ظفروال میں بھینس نے دو منہ والے بچھڑے کو جنم دے دیا۔
قدرت آئے دن کسی نہ کسی معجزے کی صورت میں اپنے ہونے کا یقین دلاتی رہتی ہے، ایسا ہی ایک قدرتی معجزہ ظفروال کے نواحی قصبہ درمان میں سامنے آیا جہاں عجیب الخلقت بچھڑے کی پیدائش ہوئی ہے جس کا دماغ تو ایک ہے مگر منہ دو اور آنکھیں چار ہیں۔
بچھڑے کے مالک نصیر نے کہا کہ بچھڑا بالکل تندرست ہے اور دونوں منہ سے بھینس کا دودھ پی رہا ہے، بچھڑے کو دیکھنے کے لیے دور دور سے عوام پہنچ رہی ہے۔
— Mirza Shahid (@MirzaShahid732) November 24, 2023
بچھڑے کی ویڈیو سوشل میڈیا پر تیزی سے وائرل ہورہی ہے اور سوشل میڈیا صارفین اس پر اپنی رائے کا اظہار بھی کررہے ہیں۔
