بنگلور: (ویب ڈیسک) بھارتی شہر بنگلور میں ایک افسوسناک واقعے میں 32 سالہ تاجر اپنے مہنگے پالتو طوطے کو بچاتے ہوئے جان کی بازی ہار گیا۔
یہ حادثہ گیری نگر کے علاقے میں اس وقت پیش آیا جب طوطا گھر سے اُڑ کر قریب موجود بجلی کے کھمبے پر جا بیٹھا۔
پولیس کے مطابق متوفی کی شناخت ارون کمار کے نام سے ہوئی ہے، جس کا مکاؤ نسل کا پالتو طوطا تقریباً ڈھائی لاکھ بھارتی روپے مالیت کا تھا۔
جمعے کی صبح طوطے کو واپس لانے کی کوشش میں ارون کمار لوہے کا پائپ ہاتھ میں لے کر کمپاؤنڈ کی دیوار پر چڑھ گیا۔
اسی دوران لوہے کا پائپ غلطی سے ہائی وولٹیج بجلی کے تار سے چھو گیا، جس کے باعث ارون کمار کو شدید کرنٹ لگا اور وہ دیوار سے نیچے گر پڑا۔
ایک سینئر پولیس افسر کے مطابق حادثہ اچانک پیش آیا جب وہ طوطے کو بچانے کی کوشش کر رہا تھا۔
ارون کمار کو فوری طور پر قریبی ہسپتال منتقل کیا گیا، تاہم ڈاکٹرز نے وہاں پہنچنے پر اس کی موت کی تصدیق کردی۔ یہ واقعہ علاقے میں گہرے دکھ اور افسوس کا باعث بن گیا۔
