مقبوضہ کشمیر: بھارتی فوجی کیمپ پر حملہ، رہائشی عمارت پر قبضہ، 5 ہلاک

Published On 11 Feb 2018 11:07 PM

سری نگر: (دنیا نیوز) مقبوضہ کشمیر کے علاقے راجوڑی میں بھارتی فوج کے کیمپ پر حملہ ہوا اور رہائشی عمارت پر قبضہ کر لیا گیا۔ حملے میں 5 بھارتی فوجی اور شہری ہلاک ہوئے۔ قابض فوج نے 3 حملہ آوروں کے مارے جانے کا دعویٰ کیا ہے۔

باتوں کے شیر پھر میدان میں ڈھیر ہو گئے۔ بڑے بڑے بول بولنے والی بھارتی فوج دو دن گزرنے کے بعد بھی فوجی کیمپ کو مٹھی بھر حملہ آوروں کے قبضے سے نہ چھڑا سکی۔ راجوڑی میں ہفتے کے روز متعدد حملہ آوروں نے فوجی کیمپ پر دھاوا بول دیا اور بھارتی فوج کا ناکہ توڑ کر رہائشی بلاک میں داخل ہو گئے۔ بھارتی فورسز اور حملہ آوروں کے درمیان لڑائی دوسرے روز بھی جاری رہی۔