تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید 8 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 761 ہوگئی
  • بریکنگ :- 24 گھنٹےمیں کوروناکےمزید 431 کیس رپورٹ،این سی اوسی
  • بریکنگ :- 24 گھنٹےکےدوران 47 ہزار 84 کوروناٹیسٹ کیےگئے،این سی اوسی
  • بریکنگ :- ملک میں کورونامثبت کیسزکی شرح 0.91 فیصدرہی،این سی اوسی

اختلافات کو کم کیا جاسکتا ہے: ایران کا سعودی ولی عہد کے بیان کا خیر مقدم

Published On 30 April,2021 05:33 pm

تہران: (ویب ڈیسک) ایران کی طرف سے سعودی ولی عہد محمد بن سلمان کے تہران سے متعلق حالیہ بیان کا خیرمقدم کیا گیا ہے۔

واضح رہے کہ ایران اور سعودی عرب کے درمیان 2016 سے سفارتی تعلقات منقطع ہیں۔

ایرانی وزارت خارجہ کے ترجمان سعید خطیب زادہ نے سعودی ولی عہد محمد بن سلمان کے بیان کا خیر مقدم کرتے ہوئے اسے مزاج کی اہم تبدیلی قرار دیا ہے۔

ایرانی وزارت خارجہ کے ترجمان نے اپنے ایک بیان میں کہا کہ اسلامی دنیا اور خطے کے دو اہم ممالک ایران اور سعودی عرب تعمیراتی نظریے اور مذاکرات کی سوچ کے ساتھ امن حاصل کرنے کے لیے تعلقات اور تعاون کے نئے ایک نئے دور میں داخل ہوسکتے ہیں۔ استحکام اورخطے کی ترقی کے ذریعے اختلافات کو کم کیا جاسکتا ہے۔

یہ بھی پڑھیں: ایران پڑوسی ملک، خواہش ہے ان کے ساتھ تعلقات اچھے ہوں: محمد بن سلمان

دوسری جانب ایرانی وزیر خارجہ نے گزشتہ روز کویت، قطر، عمان اور عراق کے دورے کے اختتام پر کہا تھاکہ ایران خطے میں دو طرفہ مضبوط تعلقات قائم کرنے کے لیے آگے بڑھ رہا تھا۔

گزشتہ دنوں سعودی ولی عہد محمد بن سلمان نے ایک انٹرویو میں کہا تھا کہ سعودی عرب ایران سے اچھے تعلقات چاہتا ہے ، سعودی عرب ایران کو مشکل صورت حال میں نہیں دیکھنا چاہتا۔