تازہ ترین
  • بریکنگ :- آرمی چیف جنرل قمرجاویدباجوہ کا بہاولپورکادورہ ، آئی ایس پی آر
  • بریکنگ :- آرمی چیف نےخیرپورٹامیوالی اوراسرانی میں تربیتی مشقوں کامشاہدہ کیا
  • بریکنگ :- آرمی چیف نےمیکنائزڈدستوں کی جنگی مشقوں کامشاہدہ کیا،آئی ایس پی آر
  • بریکنگ :- مشقوں میں فارمیشنزنےجارحانہ حکمت عملی کےآپریشنزکیے،آئی ایس پی آر
  • بریکنگ :- آرمی چیف نےفارمیشنزکی آپریشنل تیاریوں کوسراہا، آئی ایس پی آر
  • بریکنگ :- دشمن کوشکست دینےکیلئےچیلنجز سےنمٹنےکی تربیت ضروری ہے،آرمی چیف
  • بریکنگ :- پاک فوج داخلی سالمیت وملکی سلامتی کیلئےکسی خطرےسےنمٹنےکیلئے تیار ہے، آرمی چیف
  • بریکنگ :- کور کمانڈربہاولپورلیفٹیننٹ جنرل خالدضیانےآرمی چیف کااستقبال کیا

ڈیڈ لائن کے بعد بھی افغان شہریوں کے انخلا کی کوشش کرینگے: جرمن چانسلر

Published On 25 August,2021 08:44 pm

برلن: (دنیا نیوز) جرمن چانسلر نے کہا ہے کہ ڈیڈ لائن کے بعد بھی افغان شہریوں کو ملک سے باہر لے جانے کی کوشش کریں گے۔ انہوں نے عالمی برادری کو طالبان سے بات چیت کرنے کا بھی مشورہ دیا۔

تفصیل کے مطابق جرمن چانسلر اینگلا مرکل نے بڑا اعلان کرتے ہوئے کہا ہے کہ ڈیڈ لائن کے بعد بھی افغانوں کو ملک سے لے جانے کی کوشش کریں گے۔ ڈیڈ لائن ختم ہونے کا مطلب یہ نہیں کہ جرمن فوج کے ساتھ کام کرنے والے افغان شہریوں کو پیچھے چھوڑ دیں، برلن 31 اگست کے بعد بھی لوگوں کو نکالنے کی کوشش کرے گا۔

جرمن سربراہ نے مزید کہا کہ افغانستان میں پچھلے 20 سال کی پیش رفت کو بچانا ہے تو طالبان سے بات کرنا ہوگی۔

ادھر وائٹ ہاؤس کا کہنا ہے کہ گزشتہ چوبیس گھنٹوں میں 42 امریکی طیاروں اور 48 اتحادی طیاروں کے ذریعے 19ہزار لوگوں کو کابل سے نکالا گیا ہے۔ 14 اگست سے اب تک مجموعی طور پر 82 ہزار 300 افراد کو نکالا جا چکا ہے۔

غیر ملکی میڈیا کے مطابق قطر میں امریکی ہوائی اڈے میں افغان پناہ گزینوں کو کسمپرسی کی حالت میں رکھا گیا ہے۔ غیر انسانی صورتحال کی ویڈیو منظر عام پر آنے کے بعد پینٹاگون ترجمان نے صورتحال میں بہتری لانے کا اعلان کیا ہے۔

افغانستان کی صورتحال پر روسی صدر ولادیمیر پیوٹن کا چینی ہم منصب شی جن پنگ سے رابطہ ہوا ہے۔ دونوں سربراہان نے دہشت گردی اور منشیات کی سمگلنگ کی روک تھام کے لئے اقدامات تیز کرنے پر اتفاق کیا ہے۔

اقوام متحدہ کے ادارے یونیسیف نے کہا ہے کہ افغانستان کے ایک کروڑ بچوں کو ہنگامی بنیادوں پر امداد کی ضرورت ہے۔