تازہ ترین
  • بریکنگ :- وزیراعظم سےآصف علی زرداری اوربلاول بھٹوکی ملاقات
  • بریکنگ :- ملاقات میں ملک کی سیاسی صورتحال پر تبادلہ خیال
  • بریکنگ :- چیئرمین نیب کی تقرری اور مجوزہ ناموں پر تبادلہ خیال
  • بریکنگ :- شہباز شریف کی آصف زرداری سےاتحادیوں کو منانے کی درخواست
  • بریکنگ :- راناثنااللہ،ایازصادق،خواجہ سعدرفیق اورملک احمدخان کی شرکت

امریکا افغانستان کے قریب اڈوں کیلئے کوشاں، پاکستان نے تجویز مسترد کر دی: روسی وزیر خارجہ

Published On 02 November,2021 08:50 am

ماسکو: (دنیا نیوز) روسی وزیر خارجہ سرگئی لاروف نے خدشہ ظاہر کیا ہے کہ امریکا افغانستان کے قریب فوجی اڈوں کیلئے کوششیں کر سکتا ہے، ایسی امریکی تجویز پاکستان اور ازبکستان مسترد کر چکے ہیں۔

روس کے سرکاری ٹی وی کو انٹرویو دیتے ہوئے وزیر خارجہ سرگئی لارؤف نے کہا کہ سنا ہے امریکا ہندوستانی سرزمین کچھ مواقعوں پر استعمال کرنے کیلئے بھارت کو راضی کر رہا ہے، ایسی ہی تجاویز پہلے پاکستان اور ازبکستان کو موصول ہو چکی ہیں جنہیں مسترد کر دیا گیا تھا۔

لاوروف نے یاد دلایا کہ روسی صدر نے اپنے امریکی ہم منصب کو جولائی میں جنیوا سربراہی اجلاس میں کہا تھا کہ روس وسطی ایشیائی ممالک کے ساتھ اپنی سرزمین پر امریکی فوجی انفراسٹرکچر کی تعیناتی کے لیے معاہدے کرنے کی کوششوں کے خلاف ہے۔