سوڈان میں سکیورٹی فورسز کی فائرنگ سے 7 مظاہرین ہلاک

Published On 18 January,2022 10:30 am

خرطوم: (دنیا نیوز) سوڈان میں سکیورٹی فورسز نے مظاہرین پر فائرنگ کر کے سات افراد کو ہلاک کردیا۔

دارالحکومت خرطوم میں ہزاروں افراد نے جمہوریت کی بحالی کیلئے مظاہرہ کیا، سابق وزیر اعظم عبداللہ ہمدوک کے حامیوں نے ایوان صدر کی جانب جانے کی کوشش کی تو سکیورٹی فورسز نے برا ہ راست فائرنگ کردی جس کے نتیجے میں 7 افراد ہلاک اور کئی زخمی ہو گئے۔

مظاہرین کا مطالبہ ہے کہ ملٹری کونسل سویلین حکومت کو اقتدار منتقل کرکے سیاست سے الگ ہو جائے۔