تازہ ترین
  • بریکنگ :- وزیرداخلہ راناثنااللہ سےکمانڈنٹ فرنٹیئرکانسٹیبلری صلاح الدین محسودکی ملاقات
  • بریکنگ :- امن وامان برقراررکھنےمیں ایف سی کےکرداراورپیشہ ورانہ امورپرتبادلہ خیال
  • بریکنگ :- امن وامان میں ایف سی کاکرداربہت اہم اورقابل ستائش ہے،راناثنااللہ
  • بریکنگ :- خیبرپختونخوامیں امن وامان برقراررکھنےمیں ایف سی کاموثرکردارہے،وزیرداخلہ
  • بریکنگ :- لانگ مارچ کےدوران ایف سی نےپولیس کوبہت سپورٹ دی،رانا ثنااللہ
  • بریکنگ :- پی ٹی آئی کےشرپسندوں کےہاتھوں ایف سی کےکئی اہلکارزخمی ہوئے،راناثنااللہ

کیا کورونا وبا کا خاتمہ ہونے جا رہا ہے ؟ عالمی ادارہ صحت نے امیدیں جگا دیں

Published On 24 January,2022 01:05 pm

جنیوا: (دنیا نیوز) کیا دنیا بھرکو اپنی لپیٹ میں لینے والی کورونا وباکا خاتمہ ہونے جا رہا ہے ؟ عالمی ادارہ صحت کے یورپین ڈائریکٹر نے امیدیں جگا دیں۔ ہینس کلوگے نے کہا ہے کہ امید ہے اومیکرون کے بعد کورونا موسمی فلو کی شکل اختیار کرلے گا۔

دنیا پر خوف کے سائے ختم ہونے کے قریب، صدی کی سب سے بڑی جان لیوا وبا کورونا کے موسمی فلو بننے کی امیدیں جاگ اٹھیں۔ عالمی ادارصحت کے یورپین ڈائریکٹر ہینس کلوگے نے خبرایجنسی سے گفتگو میں کہا کہ اومیکرون ویرینٹ سے کورونا وبا ایک نئے فیز میں داخل ہوگئی ہے، اومیکرون کے بعد وبا کے عام بیماری کی شکل اختیار کرنے کی امید جاگ اٹھی ہے، قوی امکان ہے کہ کورونا موسمی فلو کی شکل اختیار کرلے گا، جس سے نمٹنا آسان ہو جائے گا۔

انہوں نے یہ بھی کہا کہ اومیکرون کے عروج کے بعد یورپ میں کورونا وبا ختم ہونے کی طرف جا رہی ہے، کورونا تو رہے گا لیکن ضروری نہیں کہ یہ وبائی شکل میں پھر واپس آئے۔