تازہ ترین
  • بریکنگ :- پہلے 10 ماہ ترسیلات زر 7.6 فیصداضافےسے 26.1 ارب ڈالرریکارڈ
  • بریکنگ :- برآمدات 27.8 فیصداضافےسے 26.9 ارب ڈالرکی سطح تک پہنچ گئیں
  • بریکنگ :- درآمدات 39 فیصداضافےسے 59.8 ارب ڈالرکی سطح تک پہنچ گئیں
  • بریکنگ :- کرنٹ اکاؤنٹ خسارےمیں 13.8 ارب ڈالرکااضافہ ریکارڈ
  • بریکنگ :- براہ راست غیرملکی سرمایہ کاری 1.6 فیصدکمی سے 1.45 ارب ڈالررہی
  • بریکنگ :- زرمبادلہ ذخائرمئی کےتیسرےہفتے تک 16.108 ارب ڈالررہے،رپورٹ
  • بریکنگ :- اسٹیٹ بینک 10 ارب 2 کروڑڈالر،کمرشل بینکوں کےذخائر 6.08 ارب ڈالررہے،رپورٹ
  • بریکنگ :- ڈالرکی شرح تبادلہ 201.92 روپےفی ڈالرکی سطح پرپہنچ گئی،رپورٹ
  • بریکنگ :- 9ماہ میں ٹیکس ریونیو 28.5 فیصداضافےسے 4855 ارب روپےرہا،رپورٹ
  • بریکنگ :- جولائی تامارچ نان ٹیکس آمدنی 15.7 فیصدکمی سے 983 ارب رہی،وزارت خزانہ
  • بریکنگ :- جولائی تااپریل پی ایس ڈی پی کی مدمیں 603 ارب روپےمنظورکیےگئے
  • بریکنگ :- جولائی تامارچ مالیاتی خسارہ بڑھ کر 2566 ارب کی سطح تک پہنچ گیا، رپورٹ
  • بریکنگ :- اپریل میں مہنگائی کی شرح 13.4 فیصدریکارڈ ،رپورٹ
  • بریکنگ :- پہلے 10 ماہ میں مہنگائی کی شرح 11 فیصدریکارڈکی گئی،رپورٹ
  • بریکنگ :- وزارت خزانہ کی ملکی معیشت پرماہانہ آؤٹ لک رپورٹ جاری

شیخ محمد بن زاید النہیان یو اے ای کے نئے صدر مقرر

Published On 14 May,2022 05:08 pm

دبئی: (ویب ڈیسک) ابو ظہبی کے ولی عہد شیخ محمد بن زاید ال نہیان کو متحدہ عرب امارات (یو اے ای) کا نیا صدر مقرر کردیا گیا ہے۔

واضح رہے کہ صدر شیخ خلیفہ بن زاید ال نہیان کے انتقال پر متحدہ عرب امارات میں سرکاری سطح پر 3 دن کی تعطیلات اور 40 روزہ سوگ منایا جا رہا ہے۔

غیر ملکی میڈیا کے مطابق متحدہ عرب امارات (یو اے ای) کی فیڈرل سپریم کونسل نے صدر شیخ خلیفہ بن زاید ال نہیان کے انتقال کے بعد ابوظہبی کے ولی عہد شیخ محمد بن زاید کو نیا صدر مقرر کرنے کا اعلان کیا ہے۔

نئے صدر کے انتخاب کے لیے فیڈرل سپریم کونسل کا اجلاس متحدہ عرب امارات کے نائب صدر اور وزیراعظم محمد بن راشد المکتوم کی سربراہی میں ہوا جس میں تمام ریاستوں کے حکمرانوں نے شرکت کی۔

یاد رہے کہ ابو ظہبی کے تیسرے صدر بننے والے 61 سالہ شیخ محمد بن زاید النہیان گزشتہ روز انتقال کر جانے والے ملک کے دوسرے صدر شیخ خلیفہ بن زید ال نہیان کے سوتیلے بھائی بھی ہیں۔

خیال رہے کہ نومبر 2004 میں ملک کے پہلے صدر شیخ زاید بن سلطان کے انتقال پر ان کے بڑے صاحبزادے شیخ خلیفہ بن زاید کو ملک کا صدر اور شیخ محمد بن زاید کو ولی عہد مقرر کیا گیا تھا۔

گزشتہ چند برسوں سے شیخ خلیفہ بن زاید مختلف بیماریوں میں مبتلا ہونے کے باعث ملکی امور نہیں چلا پارہے تھے اور ان کی غیر موجودگی میں ولی عہد شیخ محمد بن زاید ذمہ داریاں نبھا رہے تھے۔