لندن: (ویب ڈیسک) برطانوی پروڈیوسر اور سابق وزیراعظم عمران خان کی سابقہ اہلیہ جمائما گولڈ اسمتھ نے اپنے دونوں بیٹوں کے جعلی سوشل میڈیا اکاؤنٹ کے حوالےسے پاکستانیوں کو خبردار کردیا۔
ٹوئٹر پر فرزانہ امجد نامی صارف نے جمائما سے سلیمان خان اور قاسم خان نام کے اکاؤنٹس کے سکرین شاٹ شیئر کرتے ہوئے ان کے اصلی یا جعلی ہونے کی تصدیق مانگی تھی۔
— Jemima Goldsmith (@Jemima_Khan) May 18, 2023
فرزانہ کی ٹوئٹ کے جواب میں جمائما نے بلیو ٹک بحالی پر ایلون مسک کا شکریہ ادا کیا اور ٹوئٹ کی کہ جعلی اکاؤنٹس کو میرے بچوں سے منسوب کیا جارہا ہے، یہ اکاؤنٹس سیاسی ایجنڈے کے تحت جعل سازوں نے بنائے ہیں، یہ بالکل وہی معاملہ ہے جس کا مجھے ڈر تھاجب ٹوئٹر نے ویری فکیشن بلیو ٹک کو ہٹادیا تھا۔
جمائما نے لکھا کہ آپ کی اطلاع کیلئے بتادوں میرے بچے سوشل میڈیا پر نہیں ہیں اور نہ ان کا سوشل میڈیا پر ان کا کوئی ارادہ ہے۔
