استنبول: (دنیا نیوز) ترکیہ کے صدر رجب طیب اردگان نے اسرائیلی وزیراعظم نیتن یاہو سے رابطے ختم کرنے کا اعلان کر دیا۔
ترک صدر اردگان نے کہا کہ نیتن یاہو سے اب کوئی بات نہیں ہوسکتی، اس جنگ میں سب سے زیادہ قصوروار شخص نیتن یاہو ہے، یورپی یونین غزہ پر منصفانہ انداز میں بات کرنے میں ناکام رہی، ہم غزہ میں امن کیلئے ضامن بننے کو تیار ہیں۔
ترک صدر نے مزید کہا کہ یورپی یونین پر ہمارا بھروسہ ختم ہوگیا ہے، غزہ میں ہونے والے مظالم پر دنیا کی آنکھیں بند ہیں، اسرائیلی جنگی جرائم کو عالمی فوجداری عدالت میں لے جانے کی حمایت کریں گے۔
