کیلیفورنیا میں صحافیوں سے گفتگو کرتے ہوئے امریکی سیکرٹری دفاع لائیڈ آسٹن نے کہا ہے کہ ہم عام شہریوں کی جانوں کے تحفظ اور انسانی امداد کی بلا رکاوٹ ترسیل کیلئے اسرائیل پر دباؤ ڈالتے رہیں گے، یہ نہ صرف اہم ترین کام ہے بلکہ بہترین حکمت عملی بھی ہے۔

یہ بھی پڑھیں: حزب اللہ کے حملے جاری رہے تولبنان کو بھی تباہ کر دیا جائے گا : اسرائیل

لائیڈ آسٹن نے کہا کہ یہ جنگ صرف شہریوں کے تحفظ کو یقینی بنا کر ہی جیت سکتے ہیں، اس نوع کی جنگ میں عام شہری آبادی کو مرکزی اہمیت حاصل ہے اور اگر اس آبادی کو دشمن کے رحم و کرم پر چھوڑ دیا جائے تو پھر حکمت عملی سے فتح شکست میں بدل جاتی ہے۔

امریکی سیکرٹری دفاع لائیڈ آسٹن کا یہ بیان ایک ایسے وقت میں سامنے آیا ہے جب اسرائیل نے حماس پر جنگ کی خلاف ورزی کا الزام عائد کرتے ہوئے غزہ میں پھر سے شدید بمباری شروع کر دی ہے اور ایک ہی روز میں 700سے زائد فلسطینی شہید ہوچکے ہیں۔