غزہ: (دنیا نیوز) غزہ میں اسرائیلی فورسز کے وحشیانہ حملوں میں کمی نہ آسکی، گزشتہ 2 روز کے دوران مزید 85 فلسطینی شہید ہوگئے۔
عرب میڈیا کے مطابق صیہونی افواج کی غزہ بھر میں بے گھر فلسطینیوں کے خیموں اور پناہ گاہوں پر بمباری جاری ہے، جبالیہ میں اسرائیلی فورسز کے ایک ہی حملے میں 36 فلسطینی شہید،متعدد زخمی ہو گئے۔
شہداء میں 13 بچےاور 9 خواتین شامل ہیں، وسطی غزہ میں اسرائیل کے ڈرون حملے میں 3 فلسطینی شہید ہوئے ، اسرائیلی فوج کی نصیرات پناہ گزین کیمپ پر بمباری سے 3 فلسطینی شہید جبکہ متعدد زخمی ہوگئے۔
عرب میڈیا کا کہنا ہے کہ غزہ میں شہداء کی مجموعی تعداد 43 ہزار 652 ہوگئی،1لاکھ 3 ہزار 50 فلسطینی زخمی ہوچکے۔
