غزہ: (دنیا نیوز) غزہ میں محفوظ پناہ گاہ اور خوراک کیلئے دربدر فلسطینیوں پر اسرائیلی مظالم جاری رہے۔
اسرائیلی بمباری سے 24 گھنٹے میں مزید 40 فلسطینی شہید جبکہ درجنوں زخمی ہوگئے، نصیرات کیمپ میں تازہ ترین اسرائیلی حملے میں 9 افراد شہید ہوئے، زخمیوں میں الجزیرہ کا کیمرہ مین بھی شامل ہے، اسرائیلی فضائیہ نے رفاہ اور جبالیہ میں رہائشی عمارتوں کو تباہ کر دیا۔
بیت لاہیہ میں دو گھروں پر اسرائیلی بمباری سے چار افراد شہید ہوئے، شہدا کی مجموعی تعداد 44 ہزار 282 ہوگئی،1 لاکھ 4 ہزار 880 زخمی ہو چکے ہیں۔
