صنعا: (دنیا نیوز) یمن سے اسرائیل پر ہائپر سونک میزائل سے حملہ، ہنگامی صورتحال پر تل ابیب ائیرپورٹ عارضی طور پر بند کر دیا گیا۔
عرب میڈیا کے مطابق یمن سے تل ابیب اور اسرائیل کے وسطی علاقوں پر میزائل داغے گئے، میزائل حملوں کے بعد اسرائیل کے مختلف علاقوں میں سائرن بجائےگئے۔
اسرائیلی فوج کی جانب سے جاری بیان میں کہا گیا ہے کہ یمن سے بحیرہ روم کے اوپر آنے والے ڈرون کو مار گرایا گیا، ڈرون کو اسرائیلی بیٹرے میں میزائل سے لیس کشتی کے پہنچنے سے قبل ہی تباہ کردیا گیا۔
حماس کی جانب سے 7 اکتوبر 2023 کو کیے جانے والے غیر معمولی حملے کے بعد سے حوثی گروپ ’’ انصار اللہ‘‘ ڈرونز اور میزائلوں کے ذریعے اسرائیل پر حملے کر رہا ہے۔ حوثیوں نے بحیرہ احمر میں اسرائیلی بحری جہازوں کو نشانہ بنانے کی دھمکی دی ہے۔
