واشنگٹن: (دنیا نیوز) امریکی صدر ڈونلڈ ٹرمپ نے کہا ہے کہ کینیڈا سے امریکا آنے والی تمام سٹیل اور ایلومینیم پر 50 فیصد اضافی ٹیرف لگانے کی ہدایت کر دی۔
امریکی صدر ڈونلڈ ٹرمپ نے سوشل میڈیا پر بیان میں ہا کہ کینیڈا پر 50 فیصد اضافی ٹیرف کا اطلاق کل صبح 12 مارچ سے ہوگا۔
ڈونلڈ ٹرمپ نے کہا کہ کینیڈا فوری طور پر مختلف امریکی ڈیری مصنوعات پر 250 فیصد ٹیرف ختم کرے، اگر کینیڈا ٹیرف ختم نہیں کرتا تو میں 2 اپریل کو امریکا آنے والی کاروں پر ٹیرف بڑھا دوں گا۔
امریکی صدر نے کہا کہ ہم کینیڈا کو سالانہ 200 بلین ڈالر سے زیادہ کی سبسڈی دے رہے ہیں، کیوں؟ کینیڈا ہماری 51 ویں ریاست بن جائے، تمام ٹیرف ختم کر دیئے جائیں گے ۔
ڈونلڈ ٹرمپ نے اپنے بیان میں کہا کہ کینیڈین کے ٹیکسوں میں نمایاں کمی کی جائے گی، ایک عظیم قوم بن جائے گی۔
