لاس کروسیس: (ویب ڈیسک) امریکی شہر لاس کروسیس میں کار شو کے دوران فائرنگ کے نتیجے میں 3 نوجوان ہلاک اور 15 افراد زخمی ہوگئے۔
مقامی پولیس کے مطابق فائرنگ اس وقت ہوئی جب دو گروپوں کے درمیان جھگڑا شدت اختیار کر گیا، ہلاک ہونے والوں میں دو 19 سالہ اور ایک 16 سالہ نوجوان شامل ہے تاہم ان کی شناخت ظاہر نہیں کی گئی۔
لاس کروسیس کے میئر ایرک اینریکز نے واقعہ کو افسوسناک قرار دیتے ہوئے کمیونٹی سے اتحاد اور مضبوطی کا مظاہرہ کرنے کی اپیل کی، فائر چیف مائیکل ڈینیئلز کے مطابق زخمیوں میں سے 7 کو علاج کے لئے ایلبو، ٹیکساس کے ہسپتال منتقل کر دیا گیا، جبکہ 4 کو علاج کے بعد فارغ کر دیا گیا، 4 زخمیوں کی حالت تاحال تشویشناک ہے۔
پولیس نے مزید بتایا کہ زخمیوں کی عمریں 16 سے 36 سال کے درمیان ہیں، جائے وقوعہ سے ہینڈ گن کے خول برآمد کر لیے گئے ہیں اور تحقیقات جاری ہیں، تاہم تاحال کوئی گرفتاری عمل میں نہیں آئی۔
