نیویارک: (دنیا نیوز) رہنما خالصتان تحریک گرپتونت سنگھ پنوں نے کہا کہ بھارت کی جانب سے فالز فلیگ آپریشنز کوئی نئی بات نہیں، 25 برس قبل چھتیس سنگھ پورا میں بھی فالز فلیگ آپریشن کیا گیا۔
رہنما خالصتان تحریک گرپتونت سنگھ پنوں نے کہا کہ 25سال قبل بی جے پی کے وزیراعظم واجپائی کے دورمیں چھتیس سنگھ پورہ کا سانحہ ہوا،اس وقت امریکی صدربل کلنٹن بھارت کے دورے پر آ رہے تھے۔
انہوں نے کہا کہ بل کلنٹن کی بھارت میں موجودگی کے وقت 5 مقامی افراد کو پاکستانی دہشتگرد قرار دیکر قتل کیا گیا تھا، 2006 میں سی بی آئی نے تسلیم کیا کہ مارے گئے پانچوں مقامی افراد بے گناہ تھے۔
رہنما خالصتان تحریک نے کہا کہ چھتیس سنگھ پورہ آپریشن کو لیڈ کرنیوالے بھارتی فوج کے کیپٹن نے کئی سال تک مفرور رہنے کے بعد مجھے امریکہ میں ملاقات کے دوران سانحہ کے حقائق بتائے۔
یہ بھی پڑھیں: پہلگام واقعہ: بھارتی پولیس سٹیشن میں مقدمے نے مودی کا جھوٹ بے نقاب کردیا
کیپٹن راٹھور نے میرے دفتر میں آ کر سانحہ چھتیس سنگھ پورہ کے ہوشربا انکشافات کئے، کیپٹن راٹھور نے کہا کہ میں بھارتی فوج کے فائرنگ سکواڈ کو لیڈ کر رہا تھا، 20مارچ 2000 کو ہمیں چھتیس سنگھ پورہ میں سکھوں کو مارنے کے احکامات ملے۔
کیپٹن راٹھور نے اعتراف کیا کہ بل کلنٹن کی آمد پر چھتیس سنگھ پورا کا فالز فلیگ آپریشن کیاگیا، چھتیس سنگھ پورہ میں سکھوں کو بیدردی سے قتل کیاگیا، چھتیس سنگھ پورہ میں ہم مجاہدین کے روپ میں پہنچے جہاں لوگوں نے ہم پر اعتبار کیا۔
کیپٹن راٹھور نے کہا کہ میں مظفرآباد، آزاد کشمیر میں بھیس بدل کرخفیہ مشن پر تھا، بی جے پی حکومت بل کلنٹن کو یہ باور کرانا چاہتی تھی کہ پاکستان دہشتگردوں کی پشت پناہی کرتاہے، ہمیں حکم دیا گیا کہ چھتیس سنگھ پورہ کے تمام سکھوں کو قتل کرناہے۔
یہ بھی پڑھیں: پہلگام فالز فلیگ کا پردہ چاک کرنے پر آسام کا مسلمان رکن قانون ساز اسمبلی گرفتار
راشٹریہ رائفل کے بریگیڈیئر جے ایس نے آپریشن کو لیڈ کیا، 20 مارچ کی شام کو ہم نے گاؤں کے 35 سکھوں کو ایک دیوار کے ساتھ کھڑا کر دیا، ہمیں یہ بولا گیا کہ کوئی بھی سکھ زندہ نہیں بچنا چاہئے، احکامات ملنے کے بعد ہم نے چھتیس سنگھ پورہ کے سکھوں پر گولیاں برسانا شروع کردیں۔
کیپٹن راٹھور نے کہا کہ گولیاں برسانے کے بعد ہم نے یقین دہانی کیلئے مرے ہوئے سکھوں پر دوبارہ فائرنگ کی، سکھوں کو قتل کرنے کے بعد ہم نے جے ہند کے نعرے لگائے، بھارتی فوج نے فائرنگ سکواڈ کے تمام اہلکاروں کو باری باری قتل کردیا۔
بھارتی حکومت نے چھتیس سنگھ پورہ کے سارے ثبوت مٹانے کیلئے فائرنگ سکواڈ کو ٹھکانے لگادیا، کیپٹن راٹھور نے کہا کہ امریکہ آنے سے پہلے یورپ گیا، پھر وہاں سے جان بچا کر نکلا۔
رہنماخالصتان تحریک نے کہا کہ چھتیس سنگھ پورہ بی جے پی حکومت کا بربریت سے بھرپور سانحہ تھا مگر سوال اب بھی وہیں پر موجود ہے کہ سانحہ چھتیس سنگھ پورا کاذمہ دارکون ہے؟ ہرکوئی جانتا ہے کہ انصاف کی کوئی مقررہ میعاد نہیں ہوتی۔
