واشنگٹن: (دنیا نیوز) کئی ماہ کی کوششوں کے بعد امریکا اور یوکرین کے درمیان بالاخر معدنیات سے متعلق معاہدہ طے پا گیا۔
واشنگٹن اور کیف نے معدنیات سے متعلق معاہدے پر دستخط کر دیئے، یوکرین اپنی نادر معدنیات تک امریکا کو ترجیحی بنیادوں پر ڈیل کیلئے رسائی دے گا۔
امریکی محکمہ خزانہ کا کہنا ہے کہ یوکرین کی ترقی اور تعمیرنو میں مدد کریں گے، معاہدے سے روس کو پیغام جاتا ہے کہ ٹرمپ خوشحال یوکرین کے لئے پرعزم ہیں۔
یوکرین کی اوّل نائب وزیراعظم نے معاہدے کی تصدیق کردی اور اپنے ’ایکس‘ پیغام پر لکھا کہ یوکرین فیصلہ کرے گا کہ کون سی معدنیات کہاں سے نکالنی ہیں۔
