استنبول: (دنیا نیوز) پہلگام فالز فلیگ، ترکیہ گریٹ یونین پارٹی کے چیئرمین مصطفیٰ دستجی نے پاکستان سے اظہار یکجہتی کیا ہے۔
ترکیہ کی گریٹ یونین پارٹی کے لیڈر مصطفیٰ دستجی نے کہا ترکیہ کو اپنے برادر ملک پاکستان کے ساتھ کھڑے ہونا چاہئے، یہ نہ صرف ایک جذباتی یا اخلاقی فرض ہے بلکہ حقیقی سیاست کا تقاضا ہے۔
مصطفیٰ دستجی کا کہنا تھا کہ پاکستان کے ساتھ کھڑے ہونا ہماری اخوت، دوستی اور وفاداری کا ثبوت ہوگا، جب بھی ترکیہ کو آزمائش کی گھڑیوں سے گزرنا پڑا پاکستان ہمیشہ ساتھ کھڑا رہا ہے۔
انہوں نے کہا کہ ہم پر فرض ہے کہ ہم آخری سانس تک برادر ملک پاکستان اور اس کے لوگوں کے ساتھ اسی جذبے، خلوص اور وفاداری کے ساتھ کھڑے رہیں۔
مصطفیٰ دستجی نے کہا کہ ترکیہ کو یہ یقینی بنانے کے لیے اقدامات کرنا ہوں گے کہ محاذ آرائی پاکستان اور بھارت کے درمیان جنگ کے اس مقام تک نہ بڑھے۔
سیاسی تجزیہ کاروں کا کہنا ہے کہ ترکیہ یونین پارٹی کے مصطفیٰ دستجی کی جانب سے پاکستان کی حمایت خارجہ پالیسی کی کامیابی ہے۔
ترکیہ کا پاکستان کے ساتھ کھڑا ہونے کا عزم ثابت کرتا ہے کہ اسلامی ممالک بھارت کی پالیسی سے نالاں ہیں، سیاسی تجزیہ کار اسلامی ممالک بھارت کے مقبوضہ کشمیر میں مسلمانوں پر مظالم سے خوش نہیں۔
