برطانوی وزیر اعظم چین کے اپنے تین روزہ دورے پر پیں، وہ 2018 کے بعد اس ملک کا دورہ کرنے والے پہلے برطانوی وزیراعظم ہیں، امریکی صدر ڈونلڈ ٹرمپ نے اس دورے پر تحفظات کا اظہار کیا تھا۔

اپنے افتتاحی کلمات میں سٹارمر نے چین کو عالمی سطح پر ایک اہم کھلاڑی قرار دیا، اور کہا کہ وہ دونوں ممالک کے تعلقات کو مزید آگے بڑھانے کے منتظر ہیں۔

چینی صدر نے کہا کہ چین کے ساتھ تعلقات ایک ناگزیر مسئلہ ہے، اور میں اس پر قدر دان ہوں، اچھی چیزیں اکثر وقت اور محنت مانگتی ہیں اور یہ ایک صحیح کام ہے، ہمیں طویل مدتی نقطہ نظر اختیار کرنا چاہیے، اختلافات سے آگے بڑھنا چاہیے، اور باہمی احترام کو برقرار رکھنا چاہئے۔

برطانوی وزیراعظم سٹارمر نے شی جن پنگ سے گریٹ ہال آف دی پیپل میں ملاقات کی اور بتایا کہ بہت عرصہ ہو گیا ہے جب کسی برطانوی وزیر اعظم نے ملک کا دورہ کیا تھا۔

چین کے ساتھ بہتر تعلقات کے معاشی فوائد پر زور دیتے ہوئے سٹارمر نے کہا کہ آج میں یہاں برطانوی عوام کو ذہن میں رکھتے ہوئے موجود ہوں، چین عالمی سطح پر ایک اہم کھلاڑی ہے اور یہ ضروری ہے کہ ہم ایک زیادہ سنجیدہ تعلقات قائم کریں۔

انہوں نے کہا کہ ہم سب جانتے ہیں، بیرون ملک واقعات ہمارے ملک میں ہونے والے ہر واقعہ کو متاثر کرتے ہیں، چاہے وہ سپر مارکیٹ کی شیلف پر قیمتیں ہوں یا ہمارا احساس تحفظ ہو۔

قبل ازیں کیئر سٹارمر 60 کاروباری اور ثقافتی رہنماؤں کے وفد کے ساتھ چین پہنچے۔ انہوں نے کہا کہ یہ دورہ ان کے ہم وطنوں کے لیے فوائد لے کر آئے گا۔

دوسری طرف چین نے دورہ کا خیرمقدم کرتے ہوئے کہا تھا کہ کیئر سٹارمر کا دورہ برطانیہ کے ساتھ سیاسی باہمی اعتماد کو بڑھانے اور عملی تعاون کو گہرا کرنے کا موقع فراہم کرے گا۔‘