ایک بیان میں برطانوی وزیراعظم سر کیئر سٹارمر نے کہا کہ اگر میں نے ایسا بیان دیا ہوتا تو یقینی طور پر معافی مانگتا، نائن الیون کے بعد افغانستان پر امریکا کا ساتھ دیتے ہوئے جنگ کے دوران 457 برطانوی فوجی ہلاک ہوئے تھے، صدر ٹرمپ نے دعویٰ کیا تھا کہ نیٹو فوجی افغانستان میں جنگ کے دوران فرنٹ لائن سے دور رہے۔

برطانوی وزیراعظم نے صدر ٹرمپ کے بیان کو ’’مضحکہ خیز‘‘ قرار دے دیا، کنزرویٹو لیڈر کیمی بیڈینوک نے بھی بیان کو’’فضول بکواس‘‘ ٹھہرایا۔

دوسری جانب امریکا میں مقیم برطانیہ کے شہزادہ ہیری بھی بول پڑے، اور کہا کہ افغانستان میں دی گئی نیٹو افواج کی قربانیوں کا احترام کیا جانا چاہیے۔

شہزادہ ہیری کا مزید کہنا تھا کہ میں نے بھی افغانستان میں فوجی خدمات سرانجام دیں، دوست بنائے، دوستوں کو کھویا بھی، ماں باپ نے اپنے بیٹوں اور بیٹیوں کو دفن کیا، بچے والدین کے بغیر رہ گئے۔