لاہور: (دنیا نیوز) متحدہ عرب امارا ت کے سفیر حماد عبید الزادی نے کہا ہے کہ پاکستان اور یو اے ای کے درمیان دوطرفہ تجارتی حجم 8ارب سے زیادہ ہے، اس تجارتی حجم کو بڑھانے کیلئے کوششیں جاری ہیں۔
اسلام آباد میں دستاویزات کی تصدیق کے سلسلے میں ”اعتماد “ سنٹر کی افتتاحی تقریب سے خطاب کرتے ہوئے اماراتی سفیرحماد عبید الزادی نے کہا کہ وہ پاکستان اور یو اے ای کے درمیان تعلقا ت کو مزید بہتر بنانے کے لیے کام کر رہے ہیں۔ امارات میں پاکستانیوں کی بہت بڑی تعداد موجود ہے جو زندگی کے مختلف شعبوں میں اپنی خدمات سرانجام رہے ہیں ۔ ہم دوست مسلم ملک کے ساتھ کام کرنے میں خوشی محسوس کرتے ہیں۔ دستاویزات کی تصدیق کیلئے بہتر سہولت فراہم کرنے کیلئے ” اعتماد “ کے دفتر نے کام شروع کردیا ہے۔ اور امید ہے کہ پاکستانی ”اعتماد “کی فراہم کردہ سہولتوں سے مطمن ہونگے۔
انہوں نے کہا کہ پاکستان اور یواے ای کے درمیان معاشی تعلقات بہتر ہیں، دونوں ممالک کے درمیان دوطرفہ تجارتی حجم 8ارب سے زیادہ ہے، اس تجارتی حجم کو بڑھانے کیلئے کوششیں جاری ہیں۔ اس سلسلے میں پاکستان کے مختلف شہروں تجارتی وفود سے ملاقاتیں کی ہیں۔ یواے ای کے سفیر نے کہا کہ دونوں ممالک کے درمیان پرائیویٹ سرمایہ کاری کے بے پناہ مواقع موجود ہیں۔
