لاہور: (ویب ڈیسک) ملک بھر میں رواں ہفتے کے دوسرے کاروباری روز بین الاقوامی مارکیٹ اور ملکی صرافہ مارکیٹوں میں فی تولہ سونے کی قیمتوں اضافہ ریکارڈ کیا گیا۔
تفصیلات کے مطابق بین الاقوامی مارکیٹ میں سونے کی قیمت میں 6 امریکی ڈالر اضافہ دیکھا گیا، جس کے بعد اس کی نئی قیمت 1490 امریکی کرنسی ہو گئی۔
دوسری طرف بین الاقوامی مارکیٹ میں اضافے کے بعد فی تولہ سونے کی قیمت میں 500 روپے کا اضافہ دیکھا گیا جس کے بعد صرافہ مارکیٹوں لاہور، اسلام آباد، کراچی، پشاور، کوئٹہ، حیدر آباد، سکھر، ملتان، فیصل آباد، راولپنڈی، گوجرانوالہ سمیت دیگر میں قیمت 86900روپے ہو گئی۔
یاد رہے کہ گزشتہ روز بھی فی تولہ سونے کی قیمت میں 400 روپے کا اضافہ دیکھا گیا تھا جس کے بعد دو روز کے دوران فی تولہ سونے کی قیمت میں 900 روپے کا اضافہ ہو گیا۔
اُدھر فی تولہ سونے کی قیمت کی طرح دس گرام سونے کی قیمت میں بھی بڑھوتری دیکھی گئی، دس گرام سونے کی قیمت میں 429 روپے کا اضافہ دیکھا گیا جس کے بعد نئی قیمت 74503 روپے ہو گئی۔
مزید برآں چاندی کی قیمت میں استحکام رہا جس کے بعد فی تولہ چاندی کی قیمت 970 روپے کی سطح پر برقرار ہے۔
