لاہور: (ویب ڈیسک) ملک بھر میں روپے کے مقابلے میں امریکی ڈالر کی قدر میں معمولی کمی ریکارڈ کی گئی۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے آخری کاروباری روز کے دوران انٹر بینک میں روپے کے مقابلے میں امریکی ڈالر ایک پیسے سستا ہو گیا اور قیمت 164 روپے 01 پیسے سے کم ہو کر 164 روپے کی سطح پر آ گئی ہے۔
Interbank closing #ExchangeRate for today:https://t.co/8AggkNYQVn pic.twitter.com/T3G289X2Z4
— SBP (@StateBank_Pak) August 13, 2021
معاشی ماہرین کی طرف سے عندیہ دیا گیا ہے کہ آئندہ چند ہفتوں تک روپے کے مقابلے میں امریکی ڈالر میں مزید گراوٹ دیکھنے کو مل سکتی ہے، کیونکہ آئندہ ہفتے آئی ایم ایف کی طرف سے پاکستان کو 2.8 ارب ڈالر ملنے ہیں، اور دیگر عالمی اداروں نے بھی پاکستان کو کروڑوں ڈالر دینے کی یقین دہانی کروائی ہے جس کے بعد قوی امکان ہے کہ روپے کے مقابلے میں امریکی کرنسی 160 روپے کی سطح پر دوبارہ پہنچ سکتی ہے۔
