کراچی: (دنیا نیوز) انٹربینک مارکیٹ میں مسلسل گراوٹ کے بعد امریکی ڈالر 172 روپے 78 پیسے پر بند ہوا۔
کاروباری ہفتے کے تیسرے روز امریکی ڈالر 2 روپے 49 پیسے کمی کے بعد 172 روپے 78 پیسے پر بند ہوا، اس طرح انٹر بینک میں ڈالر کی قدر میں 77 پوائنٹس کمی ہوئی ہے۔ دوسری جانب اوپن مارکیٹ میں ڈالر 2 روپے 10 پیسے کی کمی سے 174 روپے 40 پیسے پر فروخت ہوا۔
Interbank closing #ExchangeRate for today:https://t.co/0F1Kri2cXs pic.twitter.com/zXlAAqCilt
— SBP (@StateBank_Pak) October 27, 2021
واضح رہے کہ امریکی ڈالر کی قدر میں کمی کی وجہ سعودی عرب کی جانب سے 3 ارب ڈالر امداد کی فراہمی ہے۔ سعودی ترقیاتی فنڈ اسٹیٹ بینک میں 3 ارب ڈالر ڈپازٹ کرے گا تاکہ محفوظ اثاثوں اور کورونا سے نمٹنے کے لیے پاکستان درپیش مسائل حل کر سکے، سعودی عرب تیل کی خریداری کے لیے ایک ارب بیس کروڑ ڈالر ایک سال کے دوران فراہم کرے گا۔