اسلام آباد: (دنیا نیوز) ایکسائز اینڈ ٹیکسیشن اسلام آباد کا دفتر شہریوں کے لیے درد سر بن گیا۔ ٹوکن ٹیکس اور گاڑیوں کی رجسٹریشن کے لیے آنے والوں نے سڑک کو ہی پارکنگ بنا لیا۔ سیکٹر ایچ نائن میں ٹریفک جام معمول بن گیا۔
ایکسائز اینڈ ٹیکسیشن اسلام کا دفتر ٹوکن ٹیکس اور گاڑیوں کی رجسٹریشن کے لیے آنے والوں نے سڑک کو ہی پارکنگ بنا لیا۔ ٹریفک پولیس خاموش تماشائی بن گئی۔
دن بھر سڑک پر گاڑیوں کی لمبی قطاروں سے ٹریفک کی روانی شدید متاثر، سیکٹر ایچ نائن میں ٹریفک جام معمول بن گیا۔ شہری دن بھر پھنسے رہتے ہیں لیکن ٹریفک پولیس اب تک پارکنگ کو کوئی متبادل انتظام کر سکی ۔ پارکنگ نہ ہونے سے گرین بیلٹس بھی تباہ ہوچکے ہیں جہاں سبزہ نہ پودے باقی بچے۔
ایس ایس پی ٹریفک کہتے ہیں، پارکنگ بنانے کے لیے سی ڈی اے کو درخواست دے دی ہے ۔
شہریوں نے آئی جی پولیس اسلام آباد اور دیگر حکام سے مطالبہ کیا ہے کہ فوری طور پارکنگ کی جگہ مختص کرکے شہریوں کو روز مرہ کی اس اذیت سے نجات دلائی جائے۔
