اسلام آباد: (دنیا نیوز) وفاقی وزیر خزانہ اسحاق ڈار کی زیر صدارت ای سی سی کا اجلاس ہوا جس میں چینی کی برآمد کے حوالے سے غور کیا گیا۔
وزارت خزانہ کی جانب سے جاری اعلامیے کے مطابق ای سی سی نے تفصیلی غور و خوض کے بعد چینی کی برآمد پر نئی شرائط کی منظوری دی، جس کے تحت صوبائی کین کمشنرز نوٹیفکیشن کے جاری ہونے کے 7 روز میں کوٹہ مختص کریں گے۔
وزارت خزانہ کے مطابق چینی کی برآمد کیلئے بینکوں کے ذرائع سے پیشگی رقم وصول کی جائے گی، 60 روز میں چینی کی برآمد کے لیٹر آف کریڈٹ کھلنے تک یہ رقم وصول ہو گی، کوٹہ مختص ہونے کے بعد 45 روز میں کنسائمنٹ بھیجنا لازمی ہو گی۔
