لاہور: (دنیا نیوز) لاہور ہائیکورٹ نے پٹرولیم منصوعات کی قیمتوں میں حالیہ اضافے کیخلاف متفرق درخواست پر فریقین سے جواب طلب کر لیا۔
لاہور ہائیکورٹ کے جج جسٹس شاہد کریم نے پٹرولیم مصنوعات کی قیمتوں میں اضافے کیخلاف جوڈیشل ایکٹیوزم پینل کی متفرق درخواست پر سماعت کی۔
درخواست میں مؤقف اختیار کیا گیا کہ پٹرولیم مصنوعات کی قیمتوں میں حالیہ اضافے سے مہنگائی میں اضافہ ہوگا، بین الاقوامی مارکیٹ میں پٹرولیم مصنوعات کی قیمتوں میں اضافہ نہیں ہورہا۔
درخواست میں استدعا کی گئی لاہور ہائیکورٹ پٹرولیم مصنوعات کی قیمتوں میں اضافے کا نوٹیفکیشن معطل کرنے کا حکم دے۔
بعدازاں عدالت نے پٹرولیم مصنوعات کی قیمتوں میں حالیہ اضافے کیخلاف جوڈیشل ایکٹیوزم پینل کی درخواست پر فریقین کو نوٹسز جاری کرتے ہوئے جواب طلب کر لیا۔
