کراچی: (دنیا نیوز) سٹیٹ بینک آف پاکستان کے زرمبادلہ ذخائر میں مسلسل اضافہ، سٹیٹ بینک نے ہفتہ وار زرمبادلہ ذخائر کے اعداد و شمار جاری کر دیئے۔
اعداد و شمار کے مطابق سٹیٹ بینک کے زرمبادلہ ذخائر میں 1 کروڑ 30 لاکھ ڈالر کا اضافہ ہوا، سٹیٹ بینک کے زرمبادلہ ذخائر مارچ 2022 کے بعد 12 ارب 5 کروڑ ڈالرسے تجاوز کر گئے۔
کمرشل بینکوں کے ذخائر 3 کروڑ 20 لاکھ ڈالر کم ہوئے، کمرشل بینکوں کے ذخائر 4 ارب 58 کروڑ ڈالرسے کم ہو کر4ارب 55 کروڑ ڈالر پرآگئے۔
سٹیٹ بینک آف پاکستان اور کمرشل بینکوں کے مجموعی ذخائر 16 ارب 60 کروڑ ڈالر ہوگئے۔
