اسلام آباد: (ویب ڈیسک) پاکستان انٹرنیشنل ایئر لائن(پی آئی اے) پاکستان ٹریول مارٹ 2025 میں شرکت کرے گی۔
پاکستان انٹرنیشنل ایئر لائن کے چیف ایگزیکٹو افسر ایئر وائس مارشل عامر حیات نے اپنے ویڈیو پیغام میں کہا ہے کہ یہ ایونٹ پی آئی اے ایکسپو سینٹر کراچی میں 31 جنوری سے 2 فروری 2025 تک منعقد ہوگا، پاکستان انٹرنیشنل ایئر لائن اس موقع پر اپنی خدمات کی نمائش کر رہی ہے۔
انہوں نے کہا کہ صارفین سے اپیل ہے کہ وہ اس شاندار تقریب میں شرکت کریں اور ہماری خدمات کا مشاہدہ کریں اور جانیں کہ کس طرح سفری تجربات کو بلند کر رہے ہیں اور پاکستان کو دنیا سے منسلک کر رہے ہیں۔
