ریاض: (دنیا نیوز/ ویب ڈیسک) وفاقی وزیر خزانہ محمد اورنگزیب نے کہا ہے کہ وفاقی حکومت کا سائز کم کرکے پبلک فنانس پر توجہ دے رہے ہیں۔
بلوم برگ اور الشرق کو انٹرویو دیتے ہوئے محمد اورنگزیب کا کہنا تھا کہ ملک میں 12 سے 14 ماہ کے دوران نمایاں معاشی پیش رفت ہوئی، میکرو اکنامک استحکام لے آئے، میکرو اکنامک استحکام کو اسٹرکچرل اصلاحات کیلئے استعمال کر رہے ہیں۔
انہوں نے کہا کہ ریاستی ملکیتی اداروں کو نجکاری کی طرف لے کر جا رہے ہیں۔
وفاقی وزیر خزانہ کا کہنا تھا کہ مختلف اداروں کی طرف سے فنڈز کی دوبارہ واپسی شروع ہوئی، ٹیکس، توانائی شعبے اور سرکاری اداروں میں اصلاحات کی جا رہی ہیں، مہنگائی اور شرح سود میں کمی اور روپے کی قدر مستحکم ہے۔
