کراچی: (دنیا نیوز) عالمی مارکیٹ میں سونے کی اونچی پرواز کے باعث پاکستان میں بھی سونے کے نرخ تاریخ کی بلند ترین سطح پرپہنچ گئے۔
بین الاقوامی بلین مارکیٹ میں سونے کی فی اونس قیمت میں 34 ڈالر کا اضافہ ہوگیا، جس کے نتیجے میں نئی عالمی قیمت 2944 ڈالر کی بلند ترین سطح پر آ گئی ہے۔
عالمی مارکیٹ میں قیمتوں میں اضافے کے باعث پاکستان میں بھی فی تولہ سونے کی قیمت میں3 ہزار 800 روپے اور دس گرام سونے کی قیمت میں 3 ہزار 255 روپے کا اضافہ ریکارڈ کیا گیا۔
قیمتوں میں اضافے سے مقامی صرافہ بازاروں میں فی تولہ سونے کی قیمت 3 لاکھ 8 ہزار روپے اور دس گرام سونے کی قیمت 2 لاکھ 64 ہزار 60 روپے کی بلند ترین سطح پر پہنچ گئی۔
