کراچی: (دنیا نیوز) پاکستان سٹاک ایکسچینج میں آج کاروبار کا منفی رجحان رہا جس کے باعث سرمایہ کاروں کو کروڑوں کا نقصان برداشت کرنا پڑا۔
کاروباری ہفتے کے تیسرے روز سٹاک مارکیٹ میں ٹریڈنگ کے اختتام پر ہنڈرڈ انڈیکس 665 پوائنٹس کی کمی ریکارڈ کی گئی جس کے باعث ہنڈرڈ انڈیکس ایک لاکھ 13 ہزار 862 پوائنٹس کی سطح پر بند ہوا۔
واضح رہے کہ گزشتہ روز سٹاک مارکیٹ میں ٹریڈنگ کے اختتام پر ہنڈرڈ انڈیکس 197 پوائنٹس اضافے کیساتھ ایک لاکھ 14 ہزار 528 پوائنٹس کی سطح پر بند ہوا۔
سٹاک مارکیٹ میں آج 15 ارب 74 کروڑ 76 لاکھ 56 ہزار 38 روپے مالیت کے 33 کروڑ 32 لاکھ 5 ہزار 128 شیئرز کا لین دین ہوا۔
