کراچی :(دنیا نیوز) عالمی و مقامی مارکیٹوں میں ہفتے کو سونے کی قیمتوں میں کمی ریکارڈ کی گئی۔
عالمی بلین مارکیٹ میں سونا 11 ڈالر کی کمی سے 2910 ڈالر فی اونس کا ہوگیا۔
صرافہ مارکیٹوں کے تاجروں کے مطابق بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا ایک ہزار روپے کی کمی سے 3 لاکھ 6 ہزار روپے کا ہوگیا۔
دوسری جانب 10 گرام سونے کی قیمت 858 روپے کی کمی سے 2 لاکھ 62 ہزار 345 روپے پر آگئی۔
واضح رہے گزشتہ روز سونے کی فی تولہ قیمت 3 ہزار روپے کے اضافے سے 3 لاکھ 7 ہزار روپے پر جاپہنچی تھی جبکہ چاندی کی فی تولہ قیمت 12 روپے کی کمی سے 3 ہزار 388 روپے ہوگئی۔
