اسلام آباد:(دنیا نیوز) آئی ایم ایف وفد بجٹ تیاری کیلئے شیڈول کے مطابق نہ پہنچ سکا۔
ذرائع کے مطابق آئی ایم ایف کے ساتھ اب بجٹ تیاری مذاکرات آن لائن ہوں گے، بجٹ تیاری کیلئے آئی ایم ایف وفد کی آمد آئندہ ہفتے ممکن ہے۔
باوثوق ذرائع نے بتایا کہ آئی ایم ایف وفد کے ساتھ کل سے بجٹ تیاریوں پر مذاکرات ہونا تھے، رواں ہفتے ورچوئل مذاکرات اور آئندہ پاکستان ہوں گے، آن لائن مذاکرات کے دوران بجٹ تجاویز شیئر کر دی جائیں گی۔
علاوہ ازیں آئی ایم ایف کو بریفنگ کیلئے معاشی ٹیم نے تیاریاں مکمل کر لی، آئی ایم ایف وفد آن لائن میٹنگز میں بجٹ تیاری کا جائزہ لے گا، وزارت خزانہ، ایف بی آر حکام ورچوئلی مذاکرات کریں گے۔
